وعشان لسانك حصانك
هنت إنت عليه قام هو هانك
يابن فؤاد طقطق لي ودانك
أنا مصرية متربية راضعة لبن من مية نيل
يظهرإن مامتكم هانم كات بترضع بق جنابك من بزازة طشت غسيل
شعر شيطانك لما وحالك وحلك جواه زريبة طين
يابن فؤاد ياسفير الفقراه شتمك ده على مذهب مين
هما الفقراه علشان فقراه مسموح ليهم سب الدين
ربك خلق الناس على فكرة من طبقات مش متساويين
لما كتبت عريس الدولة كنت أكيد طافح خنازير
شارب مية طرشي معفن من بلاعة صرف سمين
بعد سماعي كل كلامك مش راح اسلم ولا بأمين
يابو نوارة ياشاعر الشعب قال وكمان شاعرالعامية
إنت بتتعدى على مبارك وإبن مبارك يالله شتيمة بقى بالتبعية
إخرس والله قطع لسانك من إمتى ده بقى معنى الحرية
شعر كلامك بالنسبة لي أصبح تار ما يمثلنيش
إنت لوحدك بس يانجم تسبح فيه تغرق ماتعيش
أنا صابني القرف من قلة أدبك ووقاحتك
لو كانت مصر سجن على قولك ماكانوش سابوك كده على راحتك
إنت فاكر إنه صعب أشتمك وبنفس بذئتك أشرشح وأردح لك
وأفرش لك ملاية في سوق الزبالة وأفرج عليك أمة محمد وأسيح لك
الله يلعن ملافظك متحرم على وداني أسمع كلامك ليوم الدين
صدق السادات ألف رحمة ونور عليه لما سماك شاعر بذيء
لما يجي أوانك تودع الدنيا
راح يعدي شريط حياتك قدام عينيك في أقل من ثانية
إفتكر إني واحدة من تمانين مليون
زي مااديت لنفسك الحق تشتم في اولي أمرك إلى وصى على طاعتهم ربك والرسول
النهاردة يااحمد يافؤاد يانجم جه عليك والله الدور
معلشي يابو نوارة أصل الدنيا دوارة شبه لمؤاخذه الآتة مش الخيارة
يوم في بطنك واليوم التاني تبقى في… ولا أقول لك لما تيجي تلبي النداه إبقى إسأل عمك جيفارا
Related posts:
ههههههههههههههههههههههههههههههههههههههه
والله العظيم ميه ميه
أشكرك على تعليقك واتركك في رعاية الله
كلام جامد … المحترم بنكلمه بإحترام … البلطجى بنكلمه ببلطجه … والعربجي لازم نرد عليه بإسلوبه … تسلم ايدك
ويسلم لسانك واشكرك على تعليقك في رعاية الله