دويتو

هي / ارجع قوام حبيبي حرام يضيع الغرام

هو / كفاية كلام كفاية أوهام كفاية قلبي ضيعتيه

هي / حبيبي أنا جيت ومن قلبي بكيت ندمت واشتكيت من الألم

هو / يفيد بأيه الندم يا قلب خلاص أتعدم بأيدك بنيتي قلبي وبأيدك أتهدم

هي / حبيبي سامحني بعدك جارحني ارجعلي وريحني

هو / مش هسامح نفسي لو سامحتك انسيني وانسي في يوم إني عرفتك

هي / من حقك تقسي عليا بس ارحمني حبيبي شويه ازعل مني لكن منك متحرمنيش

هو / هحرمك  هألمك علشان أعلمك ماتخونيش

هي / كل دمعة من عينيا بتناديك بتقلك ارجع تاني ليا قربني ليك

هو / كل دموعك مش هتأثر وانا مش هضعف أو هاتغير

هي /آخر كلمة بقولهالك انا وقلبي محتاجين للمسه من حنانك لنظرة من عينيك

هو / بحلف وحياة زماني وعنيكي الكدابين قلبك فارق خيالي ونسي انتي مين